QUELQUE BANNE MASAAIL IMPORTANT

Si ene personne ki fine mort ena dette, alors so bannes responsables bizin paye dette la plus vite possible depuis ene tiers de sa sa mayyit la so propriété, zotte pas gagne droit dépense plus ki ene tiers sans consentement de bannes les autres héritiers.

Si mayyit la pas fine quitte narien, li pas pou obligatoire lor bannes responsables pou paye so dette, mais si ene personne faire li, li pou gagne beaucoup récompense.

Nous capave faire Isaale-thawaab (avoye récompense) pou bannes morts a travers bannes bonnes actions. Par exemple : faire tilaawat-ul-Quraan, donne bannes pauvres manger, faire la charité, faire istighfaar etc. Pas ena aukene date spécifique ki fine mentionné dans sharia’h pou faire sa banne bonnes actions la, et li pas nécessaire ki bizin faire tous ensemble. Donc n’import quand ene personne gagne l’occasion li capave faire zotte.

Quand ene personne pe faire la charité pou ene mort, li preferable ki li faire l’intention pou rembourse bannes namaaz  ki sa mayyit la fine manquer dans so l’existance.

Shari’ah pas fine mentionne aukene couleur précis concernant vêtements ki bannes membres de la famille de sa mayyit la bizin metter lor zotte.

Ene mayyit c’est ene être ki fine né vivant ensuite de sa li mort. Nous bizin donne li ene nom, faire so ghussal, enveloppe li dans kafn et faire so namaaz janaazah avant enterrer.

Si ene zenfant fine né mort, nous bizin donne li ene nom, faire so ghussal, enveloppe   li dans ene morceau la toile (sans kafn), ensuite enterrer. (Pas ena namaz janaazah pou li).

Dans cas ene fausse couche (miscarriage) aussi même règlement pou appliquer a condition ki membre le corps de sa bébé la fine deja formé. C’est-à-dire nous bizin donne li ene nom, faire so ghussal, enveloppe li dans ene morceau la toile (sans kafn), ensuite enterrer. (Pas ena namaz janaazah pou li).

Dans ene fausse couche si bannes membres le corps pas fine formé, nous pas pou donne aukene nom, et pas pou ena ghussal. Alors nous pou enveloppe li dans ene morceau la toile ensuite enterrer, sans faire namaz janaazah.

Si ene parmi sa zenfant ki fine mort la so parents ene musulman, c'est-à-dire soit so maman musulman ou bien papa, alors sa zenfant la aussi pou être considéré comme ene musulman et tous bannes règlements ki fine mentionné la haut pou appliqué.

Pou ene personne ki fine suicidé aussi pou ena namaaz janaazah. Mais li préférable ki ene l’autre personne faire so namaaz janaazah appart ene Imaam et ene personne ki ena réputation dans la communauté.

Namaaz janaazah pou faire pou tous musulmans, pou ene dimoune ki pieux et pou ene pécheur aussi.

Fine rapporté par Hazrat Abu Hurairah (R.A) ki Nabi (Sallallaahu alaihi wasallam) fine dire : Celui ki accompagne janaazah de ene musulman avec sincérité et avec l’intention pou gagne récompense et li participe dans namaaz janaazah aussi bien que l’enterrement, sa personne la pou retourne la caze avec ene récompense de deux Qeeraat. Ene Qeeraat so récompense li égale a ene montagne UHUD. Ene personne ki faire seulement Namaaz janaazah ensuite li retourne la caze pou gagne récompense de ene Qeeraat seulement.

Note : Banne madame bizin pas suivre janaazah ni visit qabarastaan.

QUI CAPAVE LIRE DANS QABARASTAAN

Ena beaucoup bannes duaas ki capave réciter à côté ene qabr. La meilleure pratique reste la récitation du Quraan. Nous mette nous debout en face mayyit la so qabr (le dos dans direction qibla) nous récite Quraan quantité nous capave, puis demande pardon pou mayyit la sans lève la mains. Si lève la mains a ce moment la tourne dans direction qibla.

QUELQUES BANNES SURAH KI RECOMMANDER POU LIRE :

• Surah Faatahah.
• Surah Ikhlaas.
• Surah At-takaathur.
• Surah Yaaseen.

Fine rapporter depuis Hazrat Ali (Radhiyallaahu-anhu) : ‘‘ Celui ki passe cote ene qabarastaan ensuite li lire Surah Ikhlaas 11 fois et li avoye sa récompense la pou bannes morts, sa personne ki pe récité la pou gagne quantité récompense de bannes mots’’.

Fine mentionner dans ene hadeeth : ‘‘Celui ki visite qabarastaan et li lire surah Faatihah, Ikhlaas, Takaathur et ensuite li faire duaa pou bannes morts, banne dimoune da qabr la pou intercède pou li’’.

Fine aussi mentionner dans ene hadeeth : ‘‘ Si ene personne lire Surah Yaaseen dans qabarastaan, punition de bannes morts la pou allégées et sa personne ki pe récité la pou gagne quantité récompense de bannes morts’’. (Shurouhus-sudour page 123).

DUAA QUAND RENTRE DANS QABARASTAAN

Nabi (sallallaahu alaihi wasallam) fine enseigne so banne compagnons sa bannes mots la comme salutation et duaa pou bannes morts.

السلام عليكم أهل الديار من المؤمنين و المسلمين وإنا إن شاء الله بكم لاحقون نسئل الله لنا و لكم العافية

Transliteration: Assalaamu alaikum ahlad-diyaari minal-mu’mineena wal-muslimeena wa-innaa in-shaa-allaahu bikoum laa-hiqoon nas-alullaaha lanaa walakumul-aa’fiyah.

VISITE QABARASTAAN

Nabi (sallallaahu alaihi wasallam) fine dire : « visite bannes qabr (tombes) certainement sa pou diminuer l’amoure de sa le  monde la et li ene rappelle pou l’au dela. »

N’importe ki jour ene personne capave visite qabarastaan, mais li préférable pou faire li le jour de jumu’ah et si possible faire li tous les semaines.

Fine mentionné dans ene hadeeth : Celui ki visite qabr de so parents chaque vendredi pou être pardonné, et li pou être inscrit comme ene zenfant obéissant pou so parents.

TA'ZIYAH

(COMPATIR AVEC BANNES AFFLIGES)

Rasoolullah (sallallaahu alaihi wasallam) fine conseil so ummat pou console et réconfort ene musulman ki dans la détresse. Li fine dire ‘celui ki réconforte kikene ki dans la détresse pou gagne même quantité récompense ki sa afflige (celui ki dans la peine) la pou gagné’.

QUELQUE POINTS IMPORTANT POU OBSERVER QUAND FAIRE TA’ZIYAH (CONSOLATION ):

1.     Sa personne la bizin être humble.

2.     Montrer so chagrin.

3.     Evite pou coze bannes choses mondaines.

4.     Bizin pas raconte banne blague ou faire dimoune riyer.

5.     Mentionne seulement so bannes bonnes actions pas mentionne aucun défaut.

Nabi (sallallaahu alaihi wasallam) fine dire : « Cite bannes bonnes actions de zotte mort, et pas mentionne bannes mauvaise actions. »

Note : Ta’ziyah durée jusqu'à trois jours après la mort, li makrooh (déconseillé) pou faire li après sa. Sauf si mayyit la so famille, ou bien sa personne ki pe faire Ta’ziyah la pas ti présent au moment de la mort ou au moment de l’enterrement.

Li aussi permette pou faire Ta’ziyah entre la mort et l’enterrement de ene personne.

COUMA BIZIN BOUCHE QABAR

Li mustahab (préférable) pou commence ferme l’encastrement la depuis li pied si mayyit la ene homme, et depuis la tête si li ene madame. Tous banne ouvertures et banne fentes ki ena capave bouche zotte avec la boue, feuilles, l’herbe etc. 

Note : li inutile et ene gaspillage pou servi drap pou bouche bannes fentes.

Li recommandé pou tous banne ki présent pou participer dans rempli qabr avec trois poignets la terre au minimum et en même temps lire :

 منها خلقناكم ( minhaa khalaqnaakum) quand pe jette premier poignet la terre dans qabr.

وفيها نعيدكم  ( wa feehaa nu’eedukum) quand pe jette deuxième poignet la terre. Et

ومنها نخرجكم تارة أخرى ( wa minhaa nukhrijukum taaratan oukhraa) lor troisième poignet.

Li déconseillé pou ajoute plus ki quantité la terre ki fine tirer depuis qabr. Donc quantité la terre ki fine tirer sa même ki bizin retourne dans qabr la.

Quand pe rempli qabr, so forme par la haut bizin couma bosse de ene chameau, so hauteur bizin a peu près 25 à 30 cm. Nous bizin pas faire li carré. Li pas permettre pou arrange banne construction ou bien banne clôture (barrage) lor qabr ou bien autour de ene qabr. Nabi (Sallallaahu alaihi wa sallam) fine empêche nous faire sa avec beaucoup l’emphase.

Li désirable (mustahab) pou arrose qabr la 3 fois depuis so la tête jusqu'à so li pied après ki fine fini ferme li.

Quand fine fini bouche qabr la, li mustahab pou lire Quraan et faire dua pou sa mayyit la.

*Fine rapporte par Hazrat Uthmaan (Radhiyal-laahu-anhu) ki Nabi (Sallallaahu alaihi wa sallam) après avoir ki li fine enterre ene mort li fine prend ene pause ensuite li fine dire : « implore Allah so pardon pour zotte frère et demande Allah dua ki li reste ferme parceki c’est a partir de maintenant ki li pou être questionné par munkar et nakeer.

Quand fini enterre mayyit la lire premier ruku de surah Baqarah côter la tête de qabr la et dernier ruku de surah Baqarah coter li pied de qabr la.

METHODE SUNNAH POU FAIRE NAMAZ JANAAZAH

1.     Place la tête de sa mayyit la dans côté droite de sa imaam la quand li dans direction Qiblah.

2.     Quand Imaam la pou accomplir namaaz janaazah, li bizin déboute dans ene façon ki li aligné avec sa mayyit la so la poitrine.

3.     li MUSTAHAB pou faire banne saffs (rangée) impair. Banne saffs la bizin près près parcequi pas ena sajdah pou faire.

4.     Quand fini arrange saffs maintenant faire l'intention dans sa façon suivante la:" Mo pe faire namaaz janaazah pou faire Allah plaisir derrière sa imaam la" Apres sa lève la mains jusqu'à zoreille, imaam bizin lire ALLAAHUAKBAR a et haute voix, et banne ki pe suivre li lire li a voix basse. Ensuite attache la main enbas nombril pareille couma dans tous namaaz.

5.     Ensuite lire thanaa a voix basse:

THANA

سُبْحَانَكَ اللّهُمَّ وَبِحَمْدِكَ وَتَبَارَكَ اسْمُكَ وَتَعَالى جَدُّكَ  وَجَلَّ ثَنَاءُكَ وَلآ اِلهَ غَيْرُكَ

Soubhaanakallaahoum-ma wa bihamdika wa tabaarakasmouka wa ta’aalaa jad-douka wa laa ilaaha ghairouk

Imaam bizin re lire ALLAAHUAKBAR a haute voix, et banne ki pe suivre li lire li a voix basse pour la deuxieme fois, ici pena pou leve la main quand lire takbeer. Ensuite lire daroud ibraaheem.

اَللّهُمَّ صَلِّ عَلى مُحَمَّدٍ وَّعَلى اٰلِ مُحَمَّدٍ كَمَا صَلَّيْتَ عَلى اِبْرٰهِيْمَ وَّعَلى اٰلِ اِبْرٰهِيْمَ اِنَّكَ حَمِيْدٌ مَّجِيْدٌ

اَللّهُمَّ بَارِكْ عَلٰى مُحَمَّدٍ وَّعَلى اٰلِ مُحَمَّدٍ كَمَا بَارَكْتَ عَلى اِبْرٰهِيْمَ وَعَلى اٰلِ اِبْرٰهِيْمَ اِنَّكَ حَمِيْدٌ مَّجِيْدٌ

Allaahoum-ma swalli ‘alaa Mouhammadiw-wa ‘alaa aali Mouhammadin kamaa swallaita ‘alaa Ibraaheema wa ‘alaa aali Ibraaheema innaka Hameedoum-Majeed

Allaahoum-ma baarik ‘alaa Mouhammadiw-wa ‘alaa aali Mouhammadin kamaa baarakta ‘alaa Ibraaheema wa ‘alaa aali Ibraaheema innaka Hameedoum-Majeed

TAKBIR

اللهُ اَكْبَرُ

Allaahou Akbar

DOU’AA JANAAZAH – ADULTE

اَللّهُمَّ اغْفِرْ لِحَيِّنَا وَمَيِّتِنَا وَشَاهِدِنَا وَغَاءِبِنَا وَصَغِيْرِنَا وَكَبِيْرِنَا وَذَكَرِنَا وَاُنْثنَا ط اَللّهُمَّ مَنْ اَحْيَيْتَه مِنَّا فَاحْيِه عَلَى اﻹِسْلامِ ط وَمَنْ تَوَفَّيْتَه مِنَّا فَتَوَفَّه عَلَى اﻹِيْمَانِ ط

Allaahoum-magh-firlihay-yinaa wa may-yitinaa wa shaahidinaa wa ghaa-ibinaa wa swaghiirinaa wa kabiirinaa wa zakarinaa wa ounthaanaa

Allaahoumma man ahyaytahou min-naa fa-ahyihii ‘alal Islaam

Wa man tawaf-faytahou min-naa fatawaf-fahou ‘alal iimaan.

DOU’AA JANAAZAH – GARÇON MINEUR

Sa duaa la pou banne zenfant (garcon) ki pas encore gagne l'age de puberte.

اَللّهُمَّ اجْعَلْهُ لَنَا فَرَطًا وَّاجْعَلْهُ لَنَا اَجْرًا وَّذُخْرًا وَّاجْعَلْهُ لَنَا شَافِعًا وَّمُشَفَّعًاط

Allaahoum-maj ‘alhou lanaa farataw-waj ‘alhou lanaa aj-raw-wa zoukhraw-waj ‘alhou lanaa – shaafi’aw-wa moushaf-fa’aa.

DOU’AA JANAAZAH – FILLE MINEUR

Sa duaa la pou banne zenfant (fille) ki pas encore gagne l'age de puberte.

اَللّهُمَّ اجْعَلْهَا لَنَا فَرَطًا وَّاجْعَلْهَا لَنَا اَجْرًا وَّذُخْرًا وَّاجْعَلْهَا لَنَا شَافِعَةً وَّمُشَفَّعَةً ط

Allaahoum-maj ‘alhaa lanaa farataw-waj ‘alhaa lanaa aj-raw-wa zoukhraw-waj ‘alhaa lanaa – shaafi’ataw-wa moushaf-fa’ah.

TAKBIR

اللهُ اَكْبَرُ

Allaahou Akbar

SALAAM

اَلسَّلامُ عَلَيْكُمْ وَرَحْمَةُ اللهِ

As-Salaamou ‘alaykoum wa Rahmatoullaah

Imaam bizin faire salaam a haute voix deux fois et banne mussalli aussi pou faire doucement

ENA DEUX FARDH DANS NAMAZ JANAAZAH.

1.     accomplir namaz janaazah en déboutant.
2.     lire tous les quatre takbeers.

NAMAZ JANAAZAH

Namaz janaazah li FARDH-ALAL-KIFAAYAH lor tous banne musulmans ki present. Li consister de quatre takbeer, thanaa, durood, masnoon duaa pou mayyit la,et deux salaam. Imaam pou lire takbeer et salaam a haute voix, appart sa  li pou lire tous banne les autres avec la voix basse comme muqtadee (Banne ki suivre imam).

BANNE L'HEURE KI CAPAVE FAIRE NAMAZ JANAAZAH

Li MAKROOH pou faire namaz janaazah quand soleil pe lever, quand li pe passe lor méridien (zawaal) et quand li pe alle coucher. Apart sa trois l'heures la n'importe ki moment pendant la nuit ou la journée pou gagne droit faire sa namaz la. Et même après namaz asr capave faire li.

COTE SA CAPAVE FAIRE NAMAZ JANAAZAH

Sa namaaz la nous bizin pas faire dans masjid so jamaat khaanah, mais capave faire partout ailleurs jamaat khaanah dans masjid. Et capave faire li n'import ou, dans banne places ouvert ou bien bannes bâtiment qui fine construire pou sa but la. Li important pou prend compte ki quand pe faire namaaz janaazah dans Qabarastaan bizin pena aucune qabar immédiatement devant sa janaazah la et congrégation la. Nous bizin faire ene z'effort ki nous eloigne nous plus loin ki possible depuis bannes Qabar quand pe faire sa namaaz la dans cimetière. Ou bien nous mette ene barrière entre nous et bannes Qabar la.

COUMA CHARRIER ENE JANAAZAH

1.     Si mayyit la ene adulte, mettre li lors ene sort de civière (ene brancard ki fine 

     fabriquer spécialement pou transporte mayyit).Et charrier li lors z'epaule de

     quatre hommes. Li MAKROOH pou servi camionnette, van etc. pou transporte li

     quand li pas nécessaire.(c.a.d quand Qabarastaan bien près).

2.     Si mayyit la ene ti z'enfant ou ene ti baba, nous bizin charrier li dans le bras

     individuellement par différent personne.

3.     Tous banne ki lève ou charrier janaazah bizin lire:   بسم الله الرحمن الرحيم                   

4.     Quand charrier janaazah, mayyit la so la tête bizin par devant.

5.     Façon ki MUSTAHAB (préférable) pou charrier janaazah c'est chaque personne bizin charrier li au moins 40 pas. Pou faire sa observe sa procédure suivante la:

a.     Charrier janaazah la so côté gauche par devant (mayyit so z'epaule droite) pour ene distance de 10 pas.

b.     Ensuite janaazah la so côté gauche par derrière (mayyit so li pied droite) pour ene distance de 10 pas.

c.      Charrier janaazah la so côté droite par devant (mayyit so z'epaule gauche) pour ene distance de 10 pas.

d.     Ensuite janaazah la so côté droite par derrière (mayyit so li pied gauche) pour ene distance de 10 pas.

   * Capave adopter sa méthode la si sa pas pose aucunes problème pou banne les autres

      Personnes ki pe accompagne janaazah.

  

6.     Banne personnes ki pe accompagne janaazah bizin pas assiser avant ki pose 

     janaazah la en bas. (Banne ki malade ou bien faible capave assiser).

7.     Li MASOUN pour presser quand charrier janaazah, mais en meme temps nous    

     bizin assurer ki mayyit la pas pe secouer (ballotter).

8.     Li MUSTAHAB (préférable) pou suivre janaazah. Nous bizin pas alle devant li.

9.     Li MAKROOH pou banne personne ki pe accompagne janaazah pou lire banne Duaas ou Aayat Qur'aan a haute voix. (Bizin reste loin avec banne causer mondaines, rire et bannes blagues etc.).

IMPORTANT

·        Seulement banne Mahram de ene mayyit ki gagne droit guette so visage.

·        Ene madame so Mahram c'est: so missier, so papa, frères, zenfants et ti zenfants, oncles (paternelles et maternelle), grands-parents (paternelles et maternelles).

·        Ene missier so Mahram c'est: so madame, so maman soeurs, zenfants et ti zenfants, tantes (paternelles et maternelles), grands-parents (paternelles et maternelle).

·        Apres avoir ki fine fine mette mayyit la so kafn. Bizin PAS ouvert so visage même si li ene homme ou ene femme.

-   Li permettre pou lire Qur'aan après avoir ki fine donne mayyit la ghiusl.

KI BIZIN FAIRE APRES KAFAN

Apres avoir ki fine fini bagne mayyit et fini mette li dans so kafn, fine prêt pou enterrer.

Maintenant bizin pas tarder, au plus vite possible bizin faire l'arrangement pou so namaaz janaazah.

·        Nabi (sallallaahu alaihi wasallam) fine dire dans sa sens la:

" Quand ene personne fine mort, amène li vers so tombe au plus vite possible pas tarde li".

- Namaaz janaazah so l'heure bizin fixer au plus vite et bizin enterre sa mayyit la dans 

  ene Qabarastaan (cimetière de banne musulmans) ki plus proche.

- li MAKROOH pou tarde namaaz janaazah acoze banne retardateurs, et aussi li  

  Indésirable pou transporte mayyit la so le corps lors longue distance.

BANNES CHOSES KI INTEDIT DANS KAFN.

1.     C'est INTERDIT pou écrire bannes duaas et mette dans kafn.

2.     C'est aussi INTERDIT pou ecrire kalimah ou n'importe ki duaa lor kafn ou bien lor mayyit la.

FACON SUNNAH POU METTE KAFAN POUR FEMME

1.     Tous d'abord étale LIFAAFAH en bas.

2.     Placer en l'ordre: (1) Sinaband (2) Izaar (3) Qamees.

3.     Ensuite place mayyit la légèrement et couvert li (avec sa la moitié QAMEES ki fine plier la) jusqu'à so mollets.

4.     Enlève TEHBAND et sa draps ki fine servi pou couvert li après ghusl.

5.     Pas servi Itr,surma etc.

6.     Mélange camphre, bois de santal et de l'eau rose ensemble et frotte li lor so front, le nez, paumes de mains, genoux et li pieds, tous sa ce banne partie le corps ki poser en bas quand faire sajdah.

7.     Partage so cheveux en deux et mette li lors la poitrine cote droite et gache lors so Qamees.

8.     Couvert so la tete et so cheveux avec ORNEE. (pas attache li ou pliye li).

9.     Ploye IZAAR so coté gauche lors QAMEES et ORNEE ensuite so cote droite.

10.                        Ploye SINSBAND so cote gauche ensuite so cote droite.

11.                        Ploye LIFAAFAH so cote gauche ensuite so cote droite.

12.                         Attache Lifaafah depuis la haut, en bas et au milieu avec rubans.

FACON SUNNAH POU METTE KAFAN POUR HOMME

1.     Tous d'abord étale LIFAAFAH en bas.

2.     Place IZAAR lors li.

3.     Pose sa la moitie QAMEES (lors ki pou pose mayyit la) lors IZAAR, et l'autre la moitié QAMEES la pou plier la haut.

4.     Ensuite place mayyit la légèrement et couvert li (avec sa la moitié QAMEES ki fine plier la) jusqu'à so mollets.

5.     Enlève TEHBAND et sa draps ki fine servi pou couvert li après ghusl.

6.     Frotte hunoot ou bien itr lors so la tete et so la barbe.

7.     Mélange camphre, bois de santal et de l'eau rose ensemble et frotte li lor so front, le nez, paumes de mains, genoux et li pieds, tous sa ce banne partie le corps ki poser en bas quand faire sajdah.

8.     Ploye IZAAR so coté gauche lors QAMEES ensuite so cote droite.

9.     Ploye LIFAAFAH so cote gauche lors IZAAR ensuite so cote droite.

10. Attache Lifaafah depuis la haut, en bas et au milieu avec rubans.      

FACON SUNNAH POU DONNE GHUSL

1.     Prépare plate-forme (takhta) lors ki pou bagne mayyit, et désinfecter li avec lobaan ou aromatique ki pur et propre.

2.     Place plate-forme la dans direction Qibla si possible. (sinon dans n'importe ki position ki convenable).

3.     Pas coupe mayyit la so cheveu, la barbe, ou banne cheveu ki trouve dans les autres places de so le corps. Dans la même façon bizin pas diminuer li, ni raser, ni peigne li. Et pas coupe so bannes ongles. Tire tous so bannes bagues,  bijoux, perruque etc. Si avec facilite capave enlève so fausse dent, alors li préférable pou tire li.

4.     Place le corps lors plate-forme. (bizin pas laisse parti privée découvert).Couvert le corps avec la toile et coupe so vêtement pou enlève li.

5.     Frotte mayyit la so l'estomac (l'abdomen) et lave so deux parties privée avec le gant (préférable servi le gant ki pas sépare les doigts) sans guette parti privée.

6.     Bouche so narines (nez), z'oreilles et so la bouche avec coton afin ki de l'eau pas pénétrer dans sa banne places la pendant ghusl.

7.     Si sa mayyit la fine arrive l'age de puberté bizin faire so wazou pareil couma faire pou namaz, sauf ki pas mette de l'eau dans so la bouche et narines.

8.     Si sa personne la fine mort dans l'etat de janaabat (impureté), haiz ou nifaas à ce moment la bizin mette de l'eau dans so la bouche et narines a travers ene morceau coton ou chifon mouiller.

9.     Après wazou, lave so la tête et so la barbe avec savon si possible. Sinon servi de l'eau normale. Température de sa de l'eau la bizin couma normalement ene personne servi pou baigner.

10.                        Faire so le corps incliner lors so côté gauche pou lave so côté droite. Vide de l'eau tiède lors so côté droite depuis la tête jusqu'à  li pied et lave li avec savon. Apres sa vide de l'eau deux fois encore. La même chose bizin faire dans so côté gauche (faire li incliner côté droite et lave côté gauche).

11.                        Ensuite mette le corps la dans position assiser et frotte so l'estomac légèrement prend depuis position la haut jusqu'à en bas. Lave banne impureté ki sorti et pas nécessaire pou recommence so ghusl ou bien wazou.

12.                        Faire so le corps incliné côté gauche encore ene fois ensuite vide de l'eau camphrer 3 fois lors so le corps depuis la haut jusqu'à en bas.

13.                        Tire tous banne coton depuis la bouche, narines et zoreilles.

14.                        Essuye mayyit la avec ene serviette  sans découvert so parti privée, sa tehband (pièce la toile pou couvert parti privée la) bizin change li mette ene ce ki sec.

15.                         Enveloppe le corps dans ene drap propre et sec ensuite transporte li lors kafn avec précaution.

QUI SANLA KI BIZIN DONNE MAYYIT GHUSL?

·        Pou ene homme adulte c'est so papa, so garçon ou bien so frère ki bizin faire so ghusl.

·        Pou ene femme adulte c'est so maman, so tifille ou bien so sœur bizin faire so ghusl.

·        Si personne dans sa banne la pas disponible n'importe ki sanla dans zotte membre de la famille pou capave donne sa ghusl la. Homme pou homme et femme pou femme.

·        Si aucune membre de la famille aussi pas disponible a ce moment la ene personne ki plus pieux / pieuse ki pou bizin exécute sa rite la.

·        Sa personne ki pou bagne mayyit la li bizin en état de pureté et bizin ena wazou.

• Li MAKROOH pou ene personne ki dans l'état d'impureté, haiz, et nifaas pou bagne mayyit.
• Si ene homme ki fine mort et pena aucune l'autre homme pou donne li ghusl, donc appart so madame personne pas pou gagne droit donne li ghusl.
• Mais si ene femme ki fine mort et pena aucune l'autre femme pou donne li ghusl dans sa cas la, même so misier aussi PAS pou gagne droit donne li ghusl.
•  Dans sa deux cas la bizin faire mayyit la so TAYAMMUM. (Tayammum de ghusl pareil couma wazou).

• Ene zenfant ki pas fine atteindre l'age de puberté (male ou femelle) capave recevoir ghusl depuis n'importe ene adulte (male ou femelle) si ene membre de même sexe pas disponible.

BANNE REQUISITS (CHOSES NECESSAIRE) DE GHUSL

1.     De l'eau propre et tiède (dans ki pou bouille feuilles de jujubes si li disponible).

2.     Ene plateforme en bois, aluminium etc. (lor ki pou mette mayyit la  pou donne li ghusl).

3.     Ene morceau savon.

4.     Deux récipients (broc, bol, etc.) pou prend de l'eau pou vide lor mayyit.

5.     Coton (approximativement 250g.).

6.     Camphre pour l'eau de rinçage.

7.     Deux tehband et deux les gants.

8.     Ene pair ciseaux pou coupe vêtement de mayyit la.

9.     Lobaan ou bien n'importe ki encens pou parfume plateforme.

10.                Ene drap propre pou enveloppe le corps après ghusl.

11.                Ene serviette propre pou essuye mayyit après ghusl.