JUSTE APRES LA MORT DE ENE PERSONNE.

(1) bizin attache so la bouche avec ene riban ect autour so menton et so la tête.

 (2) ferme so les yeux, 

 (3) attache so deux li pieds ensemble avec boute riban ect, 

 (4) couvert so le corp avec ene draps propre.

 Celui qui pou faire sa capave lire :

بسم الله و على ملة رسول الله

* Banne membres de la famille capave lire:

أللهم اغفرلي وله وأعقبني منه عقباَ حسناَ

* Tous banne ki finne gagne sa nouvelle la capave lire:

إنا لله وإنا إليه راجعون

* Banne ki dans tristesse capave lire:

أللهم أجرني في مصيبتى و اخلف لي خيراَ منها                                                     

TALQEEN

- Talqeen veut dire " faire sa personne ki pe mort la rappelle les deux SHAHAADAHS"

أشهد أن لا إله إلا الله و أشهد أن محمداً عبده و رسوله

- Quand ene personne so dernier moment fine arriver li pou commence respire fort, so genoux vine bien faible, so nenez pincer (bent), so pouls (pulse) baisser. Tous sa ce banne signes de l'Agonie de la mort.

- Alors bizin fini faire sa Talqeen la avant sa personne la rendre so dernier le souffle. Nous bizin pas ordonne li pou lire mais nous lire li a haute voix près cote li.

- Du moment ki sa personne la finne lire sa Kalimah la, banne les autres personne autour de lui bizin reste tranquille et arrête faire Talqeen.

- A ce moment la bizin pas ena aucune conversation mondaine avec sa personne la, sinon pou bizin refaire Talqeen encore.

MUHTADHAR

- Ene personne lor ki banne signes de la mort fine vine évident nous pou appelle li

ene  Muhtadhar.

- A ce moment la li Sunnah pou faire sa personne la allonger lor so cote droite en

face Qiblah.

- Mais li aussi permettre pou faire li allonger lor so le dos et so li pied dans direction

Qibla, a ce moment la mette ene l'oreiller en bas so la tête pou li vine dans direction

Qibla.

- Tous banne draps ki lor lilit bizin propres.

- Si nous pou alle cause inconvénient quand bouge li, alors  li pou préférable pou

laisse li  dans position ki li été.

- Li souhaitable pou servi lobaan, itr, ou les autres aromatiques purs dans sa la

chambre cote li été la.

- Tous banne dimoune ki dans l'etat d'impureté, haiz, nifaas bizin pas reste dans sa la

chambre la.

- Dans sa moment la li recommander pou lire Sourat-u-Yaaseen, Sourat-ul-Ra'd ou

bien n'importe ki place dans Qur'aan.

INTRODUCTION

Tous louange pou Allah Ta’aala celui ki fine créer tous kitchose ki existé dans sa le monde la et dans l’haut delà. En ce ki concerne banne kitchose ki Allah fine créer dans sa le monde-la zotte pou périr ene jour.

Allah Ta’aala fine dire dans Qouran kareem :

كُلُّ مَنْ عَلَيْهَا فَانٍ ( الرحمٰن / ٢٦ )

Traduction:   Tous ceki lor la terre ena pou fini. (Ar-Rahman/26)

Ensuite par Allah Ta’aala so capacité et so l’ordre tous banne kitchoses pou ré-vine en existence cote la Allah Ta’aala pou faire la justice entre banne ki fine faire bon et banne ki fine faire mauvais lor la terre. Sa aussi c’est ene vérité ki si ene dimoune pas accepter, alors li pou sorti en dehors limite de l’Islam.

La mort c’est ene kitchose inévitable et certain.  Allah ta’aala pas fine faire aukene exception pou personne.

·        Banne prophètes ti été banne personnalités ki Allah Ta’aala ti plus content lor la terre, mais zotte aussi Allah fine donne zotte la mort.

·        D’après nous Aqeedah (croyance) Allah Ta’aala fine enlève Issa (Alaihis-salaam) vers le ciel li pas encore mort. Allah pou retourne li lor la terre ensuite Allah pou donne li aussi la mort.

·        Muhammad (Sallallaahu alaihi wasallam) ti été chef de tous banne prophètes. Allah Ta’aala fine avoye li pou l’humanité en entier jusqu'à Qiyaamat, mais li aussi Allah fine donne li la mort.

Donc sans aukene exception la mort li ene étape ki tous ceki ena la vie bizin traversé. Allah Ta’aala fine dire dans Qouran kareem :

كُلُّ نَفْسٍ ذَائِقَةُ الْمَوْتِ ( آل عمران / ١٨٥ )

 Traduction: Chaque l’âme ena pou goute la mort. (Aali-Imran/185)

Allah ta’aala fine honore être humain. Ene être humain so le corps demande beaucoup respect même pendant ki li vivant ou bien li fine mort.

Nabi (Sallallaahu Alayhi Wasallam) fine dire dans ene hadeeth :

وعن عائشة رضي الله عنها أن رسول الله -صلى الله عليه وسلم- قال:  كسر عظم الميت ككسره حيا      (رواه أبو داود بإسناد على شرط مسلم).

Traduction: Casse les os de ene mayyit li absolument pe casse so les os quand li encore vivant. (Abu Dawood)

Allaama Tweebi (a.r) fine commente lor sa hadeeth la en disant ‘ki li pas permette pou manque du respect et déshonore ene  mayyit

Shariat fine mette beaucoup l’emphase ki nous agir dans ene façon respectable vis-à-vis ene musulman so cadavre.

A aukene moment nous pas gagne droit dénigrer ene mayyit, même si li fine mal agir lor la terre. Le fait ki ena ene possibilité ki sa personne la fine demande pardon avant so la mort et Allah fine pardonne li.

Donc pou être respectable vis-a-vis ene mayyit, li important ki nous prend tous banne aspect de shariat en considération depuis ki sa personne la rentre dans l’agonie de la mort jusqu'à so l’enterrement.

Pou sa même raison Depuis assez longtemps, nou ti pé senti li important pou présente ene ti livret lors mayyit dans ene langage facile afin ki ça capave servi comme ene guide pou nous banne frères et sœurs. Al-Hamdoulillah, Allah Soub-haanahou Wa Ta’ala fine réalise nous objectif, nous faire duaa ki Allah Ta’ala faire sa vine ene moyen de guidance et récompense pou tous banne musulman y comprit celui ki fine ecrire sa l'article la.

16, Zhul-Qa’dah 1430

04, novembre, 2009